Kryeministri i Kosovës, Albin Kurti thekson se nuk do të lejojë krijimin e ndonjë forme të Republikës Srpskas në veri të Kosovës.
Një ditë para takimit në Bruksel, Kurti pohoi edhe se është në dijeni se do pritet të prezantohet draft-statuti i Asociacionit, por thekson se ende nuk ka asnjë informacion se për çfarë bëhet fjalë konkretisht. Ai thotë se do ishte më e ndershme nëse ky propozim do i prezantohej fillimisht në Prishtinë, e më pas në takimin që pritet të mbahet në Bruksel.
“Duke pasur parasysh insistimin e Brukselit, do të jem i lumtur të shohë se çfarë drafti kanë përgatitur, edhe pse mendoj se do të ishte më mirë nëse do të ma paraqitnin fillimisht në Prishtinë. Megjithatë, do të siguroj që ajo që është rënë dakord tashmë më 27 shkurt në Bruksel është përmbushur ekzistimi i një niveli të duhur të vetëmenaxhimit të komunitetit serb sipas standardeve më të larta ndërkombëtare evropiane për mbrojtjen e minoriteteve”,-ka thënë ai.