Gazetari Dritan Laci tha në emisionin ‘Now’ në Euronews Albania se shoqja e 22-vjeçares keniane Joy Ayoko e cila humbi jetën disa ditë më parë pasi u dhunua në Tiranë, dhe një nga të dyshuarat për ngjarjen, ka dhënë dëshmi kontradiktore në polici.
Sipas dëshmisë së dhënë prej saj, Joy ishte e frustruar për shkak të një abuzimi seksual në të shkuarën ndaj konsumonte shumë alkool.
“Telefonata e të ëmës me Joy natën e ngjarjes, tregon se ajo nuk ka parë asgjë anormale në dhomë, kurse në dëshminë e shoqes së dhomës, Emili, e cila është edhe një nga të dyshuarat kryesore për ngjarjen thuhej se në dhomë kishte alkool, madje aty thuhet se Joy ishte e frustruar për shkak të së shkuarës në Kenia për shkak të një abuzimi seksual, ndaj konsumonte shpesh alkool në sasi të mëdha. Kur Emili është kthyer në mëngjes, dhoma ishte e rregullt, veç faktit që Joy kishte lënë çelësin në derë dhe celularin, pra gjithçka bie në kundërshtim me dëshminë e saj më herët”, tha gazetari.