Emisioni “Shqipëria Live” i ka kushtuar hapësirë çështjes së jetës së Nevaldo Hajdarajt, oficerit së policisë që vrau Klodian Rashën.
Të ftuarit e sotëm ishin Ledion Muqaraku, Arben Hajdarmataj dhe avokati, ku diskutuan për çështjen e të kaluarës së dyshimtë të Nevaldo Hajdarajt.
Ledion Muqaraku tha se njohja e tij me Nevaldo Hajdarajn ka ndodhur në periudhën e vitit 2011, kur ai ka qenë kamarier dhe se i ka kërkuar 500 mijë lekë të vjetra.
“E njoh prej periudhës 2011, i cili ka qenë kamarier në rrufën Bardhyl, nëpërmjet shokut tim Endri Metaraku. Gjatë asaj periudhe ai jetonte në një shtëpi me qira dhe ka qenë i qetë, ai jepte lekë me fajde. Pas disa muajsh u binda se jepte shifra që varionin nga shuma 300 mijë lekë, ku më ka kërkuar 500 mijë lekë të vjetra, por ka qenë i rregullt, ku herë pas here dilte edhe nga shinat në periudhën kur unë e kam njohur. Me sa jam informuar, kush është ai që nuk loz në bixhoz edhe kontaktin e fundit e kam pasur në 10 Mars të 2014 se unë hodha shokun e tij në gjyq. Shoqëria jonë ka qenë mjaft e afërt sepse ne na lidhte puna, në 2011 ai çuditërisht doli që kishte mbaruar gjimnazin dhe ëndrra e tij në realitet si polic doli në 2016. Kishim zënka se ai nuk mbante datën e caktuar prandaj acaroheshim, për lëndët narkotike nuk di se çfarë të them”, tha Ledioni.
Avokati tha se akuza nuk ka lidhje me çfarë ka ndodhur, gjykimi i shkurtuar ngel në vlerësimin e gjykatës ku është 3-4 vite burg, ku në rastin konkret prokurori do të kërkojë 4 vite burg dhe nëse bëhen sjellje e mirë nga i burgosuri do shkojë në 2 vite burg.
“Akuza nuk ka lidhje me çfarë ka ndodhur, gjykimi i shkurtuar ngel në vlerësimin e gjykatës ku është 3-4 vite burg, ku në rastin konkret prokurori do të kërkojë 4 vite burg dhe nëse bëhen sjellje e mirë nga i burgosuri do shkojë në 2 vite burg. Fillimisht nenet e ngjarjes i vendos oficeri gjyqësor, ku kalohen në prokurori pastaj në gjykatë, që kualifikimi i veprës penale mund të lihet siç është thënë dhe deri në fund akuza edhe mund të ndryshojë”, tha avokati.