Musine Kokalari luftoi për demokracinë, duke vuajtur madje në regjimin komunist në emër të këtij ideali. Por sot këtë “luftë” për demokraci e ka fituar mbesa e saj, Arba.
Arba Kokalari do të jetë eurodeputetja e parë shqiptare në Parlamentin Evropian, ku fitoi mandatin me partinë e Moderatëve suedezë, me 17.6 % të votave.
Arba ka lindur në Tiranë më 27 nëntor 1986 dhe është vajza e madhe e dy prindërve Bardh e Arjana Kokalarit si dhe mbesa e Musine Kokalarit, veprimtares politike të shekullit të 19-të në Shqipëri.
“Unë dua ta shoh europarlamentin me një zë të fortë, që do të flasë bindshëm si zëri i të rinjve dhe që ka dëshirë të ndërtojë ura bashkëpunimi midis europianëve, nga veriu në jug, e nga lindja në perëndim. Jam e vendosur në këtë angazhim, në mënyrë që të bëj ndryshimin që duam”, është shprehur Arba në një intervistë dhënë vite më parë për Panorama.