Pas ndarjes nga jeta të Haris Memës, kampi blu me një firmë të Sekretarit të Përgjithshëm, Gazmend Bardhi ka emëruar si kryetar dege për një periudhë të përkohshme në Sarandë nën-kryetarin Vesel Koçiu, ish-i dënuar për ‘shpërdorim detyre’.
Ndërkohë që për ndjekjen dhe zbatimin e këtij vendimi është emëruar Bujar Leskaj, drejtues politik përgjegjës për degën Sarandë dhe Kryesia e Degës.
Vesel Koçiu lejoi ndërtimin e objekteve pa leje në Ksamil ndaj është kallzuar nga KLSH në vitin 2015 me në krye Bujar Leskajn për “Shpërdorim detyre” në procesin e legalizimit të objekteve në zonën e Ksamilit, në Sarandë.
Sot gjashtë vite më pas, ngarkohet kallzuesi të ndjekë procedurat për emërimin në detyrë të të kallëzuarit. Ndërkohë kujtojmë që Gjykata e Rrethit Gjyqësor Sarandë asokohe e pati shpallur fajtorë duke e dënuar me 6 muaj burg.
