Deputeti i Lëvizjes Socialiste për Integrim, Luan Rama, i është bashkuar sot korit të politikanëve të opozitës dhe ka “argumentuar” pse deputetët kanë vendosur të lënë mandatet.
Tre herë ministër i Partisë Socialiste ai akuzoi mazhorancën aktuale se ka vjedhur votat dhe se kjo nuk mund të pranohet nga opozita.
Mirëpo Rama hyn tek ato ish deputetë të PS-së që është sulmuar ashpër nga Partia Demokratike për vjedhjen e votave në zonën elektorale të Klosit, në rrethin e Matit.
Partia Demokratike në zgjedhjet e 2001 e akuzoi se ai përdori Policinë dhe “falangat e krimit” për deformimin e rezultateve të zgjedhjeve në zonën elektorale nr.18. U akuzua se “ndërroi kutitë e votimit me anë të Policisë dhe të fortëve vendas dhe të ardhur nga Tirana”. Parë në këtë aspekt a ka të drejtë morale Rama i LSI-së të akuzojë për vjedhje votash ?