Pedagogu Dritan Hoti tha në një intervistë për Euronews Albania se ka dy versione për nxjerrjen e dokumenteve sekrete amerikane.
Ai tregoi se një version është se ka pasur një rrjedhje dokumentesh top sekrete të Pentagonit dhe versioni tjetër është ai i rusëve sipas të cilëve bëhet fjalë për një manipulim.
“Flitet për një rrjedhje dokumentesh top sekrete të Pentagonit, por është edhe versioni që vjen nga Moska që e quajnë një operacion intoksikimi. Këto operacione kanë pasur kulmin gjatë Luftës së Dytë Botërore. Një rast flitet për një spiun me origjinë shqiptare Iljaz Baza që ka qenë mashë e manipulimit të shefit të MI6 britanike në Ankara dhe synimi i tij nëpërmjet një operacioni intoksikimi ishte t’i krijonte bindjen elitave ushtarake në Berlin se zbarkimi nuk do ishte në Normandi dhe në Ballkan dhe patën një spostim të forcave gjermane në Ballkan dhe anglosaksonët zbarkuan në Normandi”, tha Hoti.