Mediat turke kanë publikuar detaje të reja në lidhje me operacionin e kapjes së bosit të kriptomonedhës “Thodex” Faruk Fatih Özer, i cili dyshohet se fshihet në Shqipëri.
Sipas “Hurriyet” policia ka arrestuar sy persona, që dyshohet se kanë ndihmuar atë që të fshihet në vendin tone.
Sipas mediave turke, fillimisht është arrestuar Altjan Canaj, i cili është fiksuar nga kamerat e sigurisë së një hoteli në Tiranë duke shoqëruar turkun. Në pamje, Canaj është ai që flet me recepsionistin. Pas arrestimit, Canaj ka nxjerrë edhe emrin e Edevaldo Haxhiut, i cili po ashtu dyshohet se ka ndihmuar turkun e shumë kërkuar që të fshihet në Shqipëri.
Canaj është shprehur para policëve se nuk e dinte që Faruk Fatih Özer dhe se këtë e ka mësuar më pas nga mediat.