Avokati Kujtim Cakrani, ka folur për vrasjen e Pëllumb Metës nga fëmijët e tij në Shënavlash, një krim që tronditi shqiptarët për nga misteri dhe nga vetë akti i vrasjes, që më pas edhe e varrosën në kasollën e bagëtive.
Për të arsyeja e vërtetë e një krimi në familje mund të jetë shumë e vështirë për ta gjetur si në Shqipëri ashtu dhe në botë. Ndërsa avokati Romeo Kara ka dhënë një këshillë për të rinjtë ku shprehet se “një prind i mirë respektohet, ndërsa një prind i keq, durohet”.
”Është një krim që e dinë vetëm ata që e kanë kryer dhe ai i ndjeri që ka ndërruar jetë. Është një krim që e dimë kush e ka kryer, por cilat janë arsyet dhe rrethanat e këtij krimi, është shumë e vështirë, jo vetëm këtu në Shqipëri, por çdo krim që ndodh në familje është shumë e vështirë për të gjetur detajet dhe arsyet e vërteta të krimit”.