Ditën e sotme godina e Autoritetit të Dosjeve në Tiranë ka rënë zjarr duke përhapur panik. Ngjarja ka ndodhur në mesditë, ndërsa dyshohet se shkak ka qenë një defekt në rrjetin elektrik.
Fatmirësisht nga zjarri nuk raportohet për dëme materiale, ndërsa institucioni ka mbetur pa energji elektrike.
Por rënia e flakëve ditën e sotme në godinën e Autoritetit të Dosjeve ngjall dyshime të forta nëse pas saj fshihet diçka tjetër.
Shumë njohës të këtij proçesi kanë deklaruar se që pas rrëzimit të regjimit komunist qindra dosje janë zhdukur dhe në to ka pasur të dhëna për mjaft emra të njohur, disa prej të cilëve gjenden ende në politikë.
Dosjet e ish-Sigurimit të Shtetit mbeten tema më e debatuar dhe misterioze e tre dekadave të fundit.
Janë zhdukur ose jo është debati që bëhet dhe ribëhet herë pas here. Kush ka qenë agjent i Sigurimit, pse nuk u bë asnjëherë lustracioni, kush janë personat që kanë pasur akses dhe cilat janë dosjet e mbetura.
Zhdukjen e dosjeve e ka konfirmuar më pare edhe ish-kreu I SHISH Gazidede që me marrjen e detyrës ka bërë një inventarizim të plotë të dosjeve që ka nisur në vitin 1997 dhe ka zgjatur tre vjet. / tirananews.al