Gjykata Kushtetuese pas një mbledhje të gjatë, ka dalë me një vendim dhe i jep të drejtë pjesërisht kryetarit të PD-së, Sali Berisha. Kushtetuesja vendosi që SPAK-u nuk mund ti ndalojë daljen jashtë vendit Berishës, duke e cilësuar masën joproporcionale. Por la në fuqi masën ”detyrim paraqitje”.
Në tetorin e vitit të kaluar Gjykata e Posaçme kundër Krimit të Organizuar vendosi ndaj Sali Berishës masën ”detyrim paraqitje” dhe ndalim për të dalë jashtë vendit.
Berisha vendosi të mos e zbatojë këtë masë, pasi sipas tij SPAK-u duhet më parë të merrte autorizimin e parlamentit për ti kufizuar lirinë një deputeti.
Për moszbatimin e masës së sigurisë gjykata në 30 dhjetor vendosi ndaj Sali Berishës masën e ”arrestit në shtëpi”.