Kreu i Partisë Demokratiike, Lulzim Basha gjatë konferencës me gazetarët përmendi dhe kushtin e Reformës Zgjedhore në këmbim të bashkimit të votave me PS për miratimin e ligjeve që kërkojnë 84 vota e më shumë.
Në konferencën me gazetarët, Basha tha se çdo ligj që kërkon 84 vota do të shqyrtohet nga Partia Demokratike, por theksoi se prioritet është Komisioni i Reformës Zgjedhore.
“Hapi i parë për të shkuar drejt votës konsensuale është angazhimi në komisionin e reformës zgjedhore për të diskutuar propozimet që ndodhen aty prej 15 nëntori”, tha Basha.
Pyetje: Veç reformës zgjedhore që ju e keni prioritet janë një sërë çështjet që kanë mbetur pezull, zgjedhja e avokatit të popullit, pagat e gjyqtarëve të GJK apo amnistia penale. Ju dhe deputetet që jeni në parlament do i bashkoni votat me PS për ti miratuar këto?
Basha: Çdo ligj që kërkon 84 vota do shqyrtohet nga PD, por asgjë nuk gëzon prioritet para komisionit të reformës zgjedhore, komisioni i reformës zgjedhore është testi i opinionit publik sa i takon interesit publike. Të tjerat pastaj, llogaritë që kemi dëgjuar poshtë e lartë janë interesa personale. PD nuk angazhohet në procese personale, ndaj reforma zgjedhore është prioritet absolut. Hapi i parë për të shkuar drejt votës konsensuale është angazhimi në komisionin e reformës zgjedhore për të diskutuar propozimet që ndodhen aty prej 15 nëntori.