Edhe pse vendi sot është në zi kombëtare për të nderuar viktimat nga tërmetet tragjike në Turqi dhe Siri, jeta Parlamentare vijon. Seanca plenare e orës 17:00 edhe pse nuk ka parashikuar debate apo diskutime të rëndësishme në rendin e ditës, pritet të jetë e nxehtë.
Një ndër debatet e hapura ka lidhje me zhvillimet e fundit politike. Për shkak të bllokimit të foltores seancën e kaluar, 8 deputetë të opozitës janë përjashtuar nga aktiviteti parlamentar për 10 ditë.
Nga ana tjetër, Sali Berisha gjithashtu i përjashtuar nga seanca plenare ka paralajmëruar se do të organizojë një tjetër protestë në ambientet e jashtme të godinës së parlamentit. Berisha ka njoftuar se protesta do të vijojë me çdo mjet të mundshëm përfshirë atë të mosbinjes civile.