Deputeti demokrat Enkelejd Alibeaj, i cili u shkarkua si kreu i Grupit Parlamentar të PD-së në Kuvendin e 30 Prillit të Berishës, ka vizituar sot së bashku me disa deputetë demokratë Komunitetin Mysliman Shqiptar.
Alibeaj refuzoi të fliste për politikë dhe nuk komentoi shkarkimin e tij nga Kuvendi Kombëtar i thirrur nga Sali Berisha.
Ai ka uruar besimtarët myslimanë për festën e Fitër Bajramit, teksa u shpreh se e rëndësishme në këtë ditë është t’i gjendemi pranë njëri tjetrit.
Enkeled Alibeaj: Është ditë e shënuar për të gjithë besimtarët myslimanë. Është një ditë për ta vlerësuar, pas një muaj sakrifice, agjërimi. Pata një ftesë nga myftiu i Elbasanit, me shumë dëshirë erdha. Sigurisht më lejoni që në një ditë feste të tillë politikën ta lëmë jashtë.
U vendos shkarkimi juaj?
Enkeled Alibeaj: Është e udhës që për ditë të tilla dhe festa të tilla është më mirë t’i lëmë shqiptarët veçse të gëzojnë. Faleminderit paçi të mira e mirësi.
“Ta përqafojmë njëri-tjetrin, e rëndësishme është që t’i ndodhemi afër njëri-tjetrit. Dita e sotme është e nevojshme që të gjithë largohen nga veset e këqija. Më mirë se sa festa e sotme nuk ka moment tjetër për shqiptarët, gëzuar mbarësi për të gjithë shqiptarët, veçanërisht për besimtarët myslimanë”, përfundoi Alibeaj.