Kuvendi i Shqipërisë ka miratuar ngritjen e dy komisioneve hetimore, të kërkuara nga opozita. Bëhet fjalë për Komisionin Hetimor për Shërbimin Publik të Sterilizimit dhe Shërbimit Publik të Check-Up në Shëndetësi si dhe Komisioni për Trajtimin e të Dhënave të Sistemit TIMS.
Këto dy Komisione ashtu sipas marrëveshjes me Partinë Socialiste morën votat edhe të demokratëve edhe të mazhorancës.
Kështu, Komisionin Hetimor për Shërbimin Publik të Sterilizimit dhe Shërbimit Publik të Check-Up në Shëndetësi mori 95 vota pro, një abstenim dhe asnjë kundër.
Ndërsa Komisioni Hetimor për Trajtimin e të Dhënave të Sistemit TIMS mori 96 vota pro, një abstenim dhe asnjë kundër.
Erion Brace abstenoi tek Komisioni për Hetimin e Koncesioneve në shëndetësi ndërsa deputeti Petro Koci tek Komisioni për Trajtimin e të Dhënave të Sistemit TIMS.
Po ashtu me 71 vota pro, asnjë abstenim dhe 23 kundër u miratuar edhe akti normativ “Për disa ndryshime në ligjin nr. 97/2023, “Për buxhetin e vitit 2024”.