Delina Ibrahimaj do të vazhdojë të qëndrojë në detyrën e Ministres së Financave edhe deri në seancën e radhës së Kuvendit të Shqipërisë.
Dekreti për shkarkimin e Delina Ibrahimajt nga posti i ministres së Financave nuk u fut sot në rendin e ditës, shkak është bërë posti që mban kandidati i propozuar për zëvendësimin e saj, Ervin Mete, i cili sot u lirua nga detyra e Drejtorit të Përgjithshëm të Autoritetit të Mbikëqyrjes Financiare.
Sipas procedurës së Kuvendit, Ervin Mete depozitoi kërkesën për largim nga posti i drejtor të AMF, dhe kjo u votua në seancën plenare të ditës së sotme.
Shpjegimin për këtë ngërç procedural e ka dhënë Eduard Shalsi, i cili në mbledhjen e Komisionit të Ekonomisë, ka sqaruar se : “Si rregull Kuvendi para se të miratojë detyrën e Ervin Metes si ministër i Financave, duhet të miratojë dorëheqjen e tij nga Bordi i Autoritetit të Mbikëqyrjes Financiare dhe posti i Drejtuesit të këtij institucioni. Pra votohet vendimi për lirimin e zotit Ervin Mete. Miratohet. Zoti Erion Braçe është kundër”, tha Shalsi.