Kuvendi pritet të miratojë sot projektrezolutën e propozuar nga Partia Socialiste për shpalljen e Republikës Islamike të Iranit si Shtet Sponsor i Terrorizmit dhe Shtet që përdor mjete terroriste”, si dhe të shpallet menjëherë Garda Revolucionare Islamike (IRGC), si organizatë terroriste.
Kreu i grupit parlamentar të PS-së, Taulant Balla është shprehur se Shqipëria me këtë iniciativë qëndron përkrah aleatëve të saj strategjikë, Shtetet e Bashkuara të Amerikës.
Përmes kësaj Rezolute i bëhet thirrje vendeve demokratike, organizatave ndërkombëtare dhe partnerëve të Shqipërisë që të shqyrtohen masa të koordinuara kundër terrorizmit të sponsorizuar nga shtetet dhe të forcojnë bashkëpunimin ndërkombëtar në luftën kundër këtyre kërcënimeve.
Kreu i grupit parlamentar të PD-së, Gazment Bardhi deklaroi një ditë më parë se nuk do të marrin pjesë në seancën e sotme plenare duke e cilësuar të paligjshme.
Bardhi theksoi se një parlament pa rend dite, pa debat dhe pa të drejtë fjale për opozitën nuk është më parlament, por një dekor për propagandën e qeverisë.