Raporti i Këshillit Kombëtar të Integrimit Europian për vitin 2025 kryeson rendin e ditës së seancës plenare të Kuvendit, e cila do të zhvillohet sot në orën 12:00.
Gjatë seancës pritet të shqyrtohen gjithashtu raportet vjetore të disa institucioneve të pavarura, mes tyre Avokati i Popullit, Këshilli i Lartë Gjyqësor (KLGJ), Këshilli i Lartë i Prokurorisë (KLP), Kontrolli i Lartë i Shtetit (KLSH), Prokuroria e Përgjithshme, Prokuroria e Posaçme Kundër Korrupsionit dhe Krimit të Organizuar (SPAK), si dhe Inspektori i Lartë i Drejtësisë (ILD).
Ndërkohë, një orë para nisjes së seancës, Partia Demokratike do të zhvillojë një mbledhje për të vendosur nëse deputetët e saj do të marrin pjesë në punimet e Kuvendit.