Kuvendi ka urdhëruar mbajtjen e seancës plenare ditën e hënë, në datën 20, ora 10:00, ku edhe pritet që të miratohet buxheti i vitit 2024.
Opozita e udhëhequr nga Sali Berisha prej disa javësh po pengojnë punën në komisionet parlamentare dhe seancat plenare.
Deri më tani, seancat janë zhvilluar online, ndërsa miratimi i ligjeve është bërë mes kaosit vetëm me votat e PS.
Opozita pritet te krijojë sërish kaos në Kuvend, sikurse ka bërë gjatë javëve të fundit jo vetëm me seancat parlamentare, por edhe me komisionet, të cilat pikërisht për këtë arsye kanë kaluar online.