Kuvendi votoi pro arrestimit të Arben Ahmetajt, avokati jep detaje: Deputet edhe për 6-të muaj

SPAK ka rrugën e hapur për të arrestuar si dhe për të kontrolluar banesat e Arben Ahmetajt. Mirëpo sa kohë i duhet SPAK? Avokati Redi Ramaj, tha se janë tre vepra penale që akuzohet Ahmetaj dhe më e rënda është korrupsioni pasiv penal. “Unë mendoj duke parë dhe procedurën, që në momentin që Gjykata del me vendim, është vetëm punë orësh. Fakti që është jashtë Shqiërisë kërkon që ky vendim ose kjo masë të kalojë dhe në organet e tjera përkatëse që bëjnë ekzekutimin kur kemi arreste ndërkombëtare por kjo varet nga Prokuroria. Nëse nuk paraqitet për 6 muaj në Kuvend ai humb mandatin”,-thotë Ramaj.