Zvicra cilësohet vendi që ofron pagat më të larta për punëtorët e ndërtimit në krahasim me vendet e tjera. Anketa Ndërkombëtare e Tregut të Ndërtimit të Turner & Townsend zbuloi se Gjeneva ofron një pagë mesatare për orë prej 118 dollarë, ndërsa Cyrihu 117 dollarë.
Qytetet e treta, të katërta dhe të pesta në listë ishin të gjitha në SHBA: San Francisko ofron normën e tretë më të mirë me 116 dollarë, ndjekur nga New York me 114 dollarë dhe Bostoni me 110 dollarë.
Pagat e ndërtimit në Amerikën e Veriut ka të ngjarë të rriten gjatë 12 muajve të ardhshëm, për shkak të përkeqësimit të mungesës së aftësive në të gjithë vendin.
Sakaq, pothuajse të gjitha tregjet në Azi regjistruan një rritje gjatë 12 muajve të fundit, shtimi i disa tregjeve me të ardhura më të ulëta në sondazhin e këtij viti ka ulur mesataren për rajonin. Afrika, nga ana tjetër, ka përjetuar sfida të konsiderueshme të tregut pas pandemisë Covid-19, duke rezultuar në nivele më të ulëta ndërtimi dhe një tepricë të fuqisë punëtore.