Më 25 maj do të luhet finalja e Conference League në stadiumin “Air Albania” në Shqipëri. Në fakt, UEFA është kritikuar shumë nga shtetet përkatëse të klubeve finaliste për shkak se ka zgjedhur të organizojë finalen në një stadium si ky pasi ka një kapacitet të vogël, dhe tifozët nuk do të mund të vijnë dot të gjithë.
Megjithatë, lidhur me këtë çështje ka bërë një reagim edhe trajneri i kombëtares shqiptare të futbollit, Edoardo Reja i cili gjatë një interviste për mediat italiane deklaroi se:
“UEFA po mendonte për një sezon eksperimental dhe ndërkohë vitet e fundit është luajtur në Talin dhe Belfast, nuk mendoj se është skandaloze të organizosh një finale në kryeqytetin shqiptar.
“Air Albania” është një thesar, dukshmëria është perfekte, por problemi logjistik ekziston.
Shumë hotele janë ezauruar, banorët japin dhoma me qira në shtëpitë e tyre, por këto gjëra ndodhin kudo. Ka emocione të mëdha, do të bëj tifo për Romën, Mourinho me ekipin romak është rinuar”, tha Reja.