E ardhmja e Kylian Mbappe është një telenovelë e vërtetë. Francezi ka konfirmuar se nuk do të zgjas qëndrimin te PSG, duke rritur kështu pretendimet për një kalim te Real Madrid. Një rol të veçantë pritet të luaj edhe presidenti francez, Emmanuel Macron.
Presidenti ka pranuar se do të përfshihet në sagën e Kylian Mbappe, pasi synon që të mbaj sa më gjatë në kampionatin vendas një prej lojtarëve më të mirë francez. “Unë nuk e kam shkopin magjik, por do të përpiqem ta shtyj largimin”, është shprehur Macron për mediat franceze.
Macron foli me Mbappe në një situatë të ngjashme edhe një vit më parë, duke luajtur një rol në bindjen e tij për të qëndruar në kryeqytetin francez mes interesit të madh nga Reali.