Përmes një postimi në Instagram, Kylie ka thënë se ajo dhe bashkëshorti i saj janë të thyer emocionalisht.
“Travis dhe unë jemi të thyer dhe të shkatërruar. Mendimet dhe lutjet e mia janë me të gjithë atë që humbën jetën, u lënduan dhe u prekën në çfarëdo mënyre në koncertin e djeshëm. Gjithashtu për Travisin, që e di se brengoset thellësisht për fansat e tij dhe komunitetin në Huston. Dua ta bëj të qartë se ne nuk ishim në dijeni për ngjarjen derisa dolën lajmet, sepse për asgjë në botë nuk do të kishim vazhduar të filmonim apo performancën”, ka shkruar ajo.
Përpos Kylie Jenner, rreth kësaj ngjarjeje ka reaguar edhe vetë Travis Scott, i cili përmes një statusi në Twitter, ka thënë se ndihet plotësisht i shkatërruar nga ajo që ndodhi në koncertin e tij dhe është në bashkëpunim të plotë me policinë.