Arsen Muskurti është autori i krimit të dyfishtë në Tiranë. Ai është shpallur në kërkim nga policia, pasi pasditen e kësaj të marte qëlloi për vdekje me armë zjarri vëllanë e tij, Dritan Muskurti dhe bashkëshorten e këtij të fundit, Nora.
Ngjarja ka nisur fillimisht si një debat verbal mes dy vëllezërve për shkak të konfliktit për një pronë të përbashkët. Përplasja verbale nisi në ambientet e një lokali në kryeqytet dhe u zhvendos në një agjenci turistike, prona për të cilën dyshohet se u bë sherri.
Çifti ka lënë pas tre fëmijë, dy vajza dhe një djalë.
Agjencia turistike e bashkëshortëve “Nor Travel” dërgonte vizitorë kryesisht në vendet e Arabisë Saudite.