Një ngjarje kriminale ka ndodhur mbrëmjen e djeshme në qytetin e Laçit. Dy persona kanë shkuar në një familje për të vjedhur, por janë pikasur nga ana e familjarëve.
Për pasojë, një nga hajdutët ka përfunduar në spital si pasojë e dhunës.
Dy persona të paidentifikuar kanë shkuar në banesën e shtetasit Hajdar Lika, në lagjen nr.5 Sanxhak, Laç, Kurbin dhe pas konfliktit me pjesëtarët e familjes së tij, kanë goditur me sende të forta në kokë shtetasin Sinan Lika, djali i kryefamiljarit, 29 vjeç, i cili pas ndihmës së parë në Spitalin Kurbin, është dërguar për ndihmë të specializuar mjekësore në Spitalin e Traumës Tiranë, jashtë rrezikut për jetën.
Policia tha se po punohet intensivisht për zbardhjen e plotë të rrethanave të ngjarjes, identifikimin dhe kapjen e autorëve.