Laçi mori një fitore me përmbysje 3-1 ndaj Tiranës,në ndeshjen e vlefshme për javën e 19-të në Superligë. Kryeqytetasit e mbyllën pjesën e parë në avantazh minimal, pas golit të shënuar nga Ndreca në minutën e 40-të.
Në pjesën e dytë ndeshja foli për kurbinasit. Cordeiro Melo, me dy gola të shpejtë për Laçin, në minutat 47 dhe 51 përmbysi rezultatin, duke kaluar festën te vendasit.
Takimin e vulosi Traore, që shënoi të tretin në minutën e 60, duke i dhënë goditjen përfundimtare Tiranës. Laçi ngjitet në vendin e shtatë me 20 pikë, duke parakaluar bardheblutë, të cilët tani zbresin në vendin e tetë me 18 pikë.