Tirana duket se nuk ka këllqet e një skuadre si ajo e sezonit të shkuar dhe duket se bardheblutë e kanë parë “pisk” sot në sfidën miqësore që zhvilluan me Laçin në “Selman Stërmasi”, teksa të besuarit e Egbosë janë mundur me rezultatin 0-1.
Kurbinasit nga ana tjetër, me shumë përforcime, e madje duke rrëmbyer edhe titullarë në skuadrat rivale për titullin kampion, duket se jo vetëm që janë konsoliduar por e kanë ruajtur edhe agresivitetin dhe futbollin e bukur në fushën e blertë.
Ka mjaftuar goli i Deliut të kurbinasve në të 62’-tën minutë, pasi pjesa e parë është mbyllur 0-0, ndërsa për t’u theksuar se Tirana e ka mbyllur ndeshjen me dhjetë lojtarë pasi Torasa doli me të kuqe.
Kujtojmë që edhe pak ditë më parë, Tirana nuk mundi as Kastriotin në “Selman Stërmasi”.
Tashmë, si Tirana ashtu edhe Laçi janë në pritje të fillimit të sezonit 2020-2021 për të pasur synimet madhore, të cilat janë titulli kampion…
FT’ Tirana-Laçi 0-1
Goli: / Deliu 62′