Tashmë është zyrtare që këngëtarja Lady Gaga i ka dhënë fund fejesës me Christian Carinon dhe këtë e ka konfirmuar për People një përfaqësues i çiftit.
“Thjesht nuk funksionoi. Marrëdhëniet ndonjëherë përfundojnë”, tha burimi. “Nuk ka histori të gjatë dramatike”, shtoi më tej.
Por më shumë se ndarja nga Christian, e cila u dyshua që nga mungesa e tij në shoqërimin e Lady Gaga në çmimet Grammy dhe mungesa e unazës së madhe me diamant të fejesës, fansat kanë nisur të aludojnë për një lidhje të saj me Bradly Cooper.
Fansat janë të bindur që Gaga dhe Cooper janë të dashur dhe po e mbajnë sekret. Duke qenë se pas filmit romantik “A Star Is Born”, fansat kanë dashur që ata të dy të jenë një çift i vërtetë, shumë njerëz po pyesin nëse ka diçka më shumë mes tyre. Ia lëmë kohës në dorë.