Një aksident i rëndë ka ndodhur në rrugën “Xhanfize Keko”. Mësohet se një vajzë është përplasur teksa priste autobuzin dhe është dëmtuar rëndë.
Vajza e plagosur, rreth 30 vjeç, e cila u transportua me urgjencë në spitalin e Traumës, është shtatzënë. Sipas Policisë, 19-vjeçari me inicialet J. B., teksa drejtonte mjetin tip ‘Benz’ ka dalë nga rruga dhe ka përfunduar në trotuar ku ka përplasur kalimtaren dhe më pas është përplasur me pemën.