Për të gjithë ata që kanë zgjedhur të pushojnë në 15-ditëshin e dytë të gushtit moti do të jetë mjaft i favorshëm për të shkuar në plazh.
Meteorologu Akil Osmani tha në një lidhje për Neës24 se në zonat bregdetare do ketë rritje të temperaturave deri në 38 gradë celsius, ndërsa vranësira të pakta në zonat malore.
“Zonat bregdetare do të jenë në dominimin e orëve me diell. Pritet që të kemi rritje të vlerave termike, në zonat bregdetare 37-38 gradë celsius. Rritje e vlerave termike edhe në zonat malore 31-32 gradë celsius. 15-ditëshi i dytë i gushtit do të jetë kryesisht me diell. Në zonat malore do të ketë vranësira të pakta”, tha Osmani.