Klubi i Albacete ka njoftuar se gjendja e Rei Manaj është përmirësuar. Sulmuesi shqiptar ka pësuar frakturë në hundë dhe vazhdon të jetë në kujdesin e mjekëve. Siç konfirmon edhe klubi, kontrollet mjekësore kanë rezultuar pozitive. Manaj do të qëndrojë pushim disa ditë. Së bashku me të në spital ka qëndruar edhe mjeku i ekipit.
21-vjeçari u dërgua me urgjencë në spital, pas ndërhyrjes së ashpër që i bëri lojtari kundërshtar, Sanchez në përballjen ndaj Granada-s. Ekip me të cilin Manaj ka luajtur sezonin e kaluar.