Gëzim Muskaj, mësues i Edukimit Fizik në Fier, nuk ka mundur ta fitojë betejën me koronavirusin.
Lajmi e ka bërë me dije në një njoftim shkolla “Petro Sota”, ku thekson se vlerat dhe emri i tij, janë të pazëvendësueshëm dhe se do ta kujtojnë plot respekt.
“Sot ne humbëm një mik, shok, një ish-koleg, një ish-mësues të nderuar dhe të respektuar, ndërsa familja Muskaj të shtrenjtin e tyre, Gëzim Muskaj! Ai do t’i mungojë familjes së tij, do t’i mungojë kolegëve, sepse vlerat dhe emri i tij, janë të pazëvendësueshëm dhe ne të gjithë do ta kujtojmë plot respekt! I paharruar qoftë kujtimi dhe emri i tij! U prehtë në paqe!” thuhet në njoftim.