Ministrja e Energjetikës dhe Infrastrukturës, Belinda Balluku bëri të ditur se ka nisur këtë mesditë fluturimet esenciale ku përfshihen ato humanitare, emergjente, shëndetësore, diplomatike, shtetërore dhe ushtarake.
Sipas Ballukut dhe vaksinat që do të vinin një ditë më parë do të vijnë këtë pasdite.
“Në këto momente do të nisin fluturimet esenciale, ato që hyjnë në këto kategori përfshijnë fluturimet humantirae, emergjente, shëndetësore, diplomatike, shtetërore dhe ushtarake. Ju njoftoj që kemi arritur që me një përpjekje shumë të madhe të ruajmë sasinë e vaksinave të konsiderueshme që duhej të vinte dje në Shqipëri po është bllokuar dhe do të vijë sot rreth orëës 3 pasdite”, tha ajo.
Ndërsa për fluturimet e udhëtarëve ajo tha se do të nisin nesër në mëngjes. “Dua të informoj të gjithë qytetarët që do jetë e pamundur në këto momente që të kemi fluturime të aviacionit civil, po gjatë ditës është duke punuar për të arritur në një zgjidhje të këtij problemi shumë të madh që sipas të gjitha planeve tona do të mitigohet në ditën e nesërme. Nesër që në orët e para të mëngjesit dhe gjatë gjithë ditës do nisimt ë kemi operime normale në aerportin e Rinasit për të gjithë udhëtarët. Të gjitha kompanitë që janë të skeduluara dhe charter që fluturojnë në Shqipëri”, tha ajo.