Kryeministri Edi Rama ka bërë publike ndryshimet më të fundit në përbërjen e kabinetit qeveritar, duke sjellë emra të rinj në disa prej ministrive më të rëndësishme të vendit.
Ermal Nufi emërohet Ministër i Mbrojtjes, ndërsa Ferit Hoxha merr detyrën e Ministrit për Evropën dhe Punët e Jashtme.
Në raport me Kuvendin, Eriona Ismaili do të mbajë postin e Ministres për Marrëdhëniet me Parlamentin.
Ndryshime ka edhe në sektorët strategjikë të zhvillimit: Enea Karakaçi emërohet Ministër i Infrastrukturës dhe Energjisë, ndërsa Albana Koçiu merr detyrën e Zëvendëskryeministres.
Në Ministrinë e Drejtësisë emërohet Toni Gogu, ndërsa Besfort Lamallari do të drejtojë Ministrinë e Brendshme.
Lëvizjet e reja në kabinet pritet të pasohen nga procedurat zyrtare në Kuvend për miratimin e ndryshimeve, ndërsa mbetet për t’u parë se cilat do të jenë prioritetet e reja të qeverisë në këtë fazë të mandatit.