Jamine Yamal, siç dihet, di të jetë protagonist si brenda ashtu edhe jashtë fushës. Talenti i Barcelonës dhe i kombëtares spanjolle, i angazhuar me “La Roja-n” në Kupën e Botës 2026, ka tërhequr vëmendjen edhe për një gjest romantik ndaj të dashurës së tij, Inés García.
Sipas asaj që raporton media spanjolle El Desmarque, futbollisti i lindur në vitin 2008 ka surprizuar influencuesen me dy bizhuteri me vlerë të lartë, duke treguar lidhjen e fortë mes tyre ndërsa Spanja synon triumfin në Botëror
Dy varëse me vlerë totale 45 mijë euro
Sipas raportimeve, Yamal i ka dhuruar partneres së tij një varëse të parë me vlerë rreth 30 mijë euro. Kjo bizhuteri thuhet se është parë tashmë e mbajtur nga Inés García në tribunat e stadiumeve gjatë ndeshjeve të kombëtares spanjolle.
Por kjo nuk ka qenë dhurata e vetme. Sulmuesi i Barcelonës i ka dhuruar asaj edhe një varëse të personalizuar me inicialet “LY”, vlera e së cilës llogaritet rreth 15 mijë euro.
Botërori mbetet prioriteti kryesor
Ndërsa jeta e tij private vazhdon të tërheqë vëmendjen e mediave spanjolle, Lamine Yamal mbetet i fokusuar kryesisht te futbolli.
Në moshën vetëm 18-vjeçare, talenti i Barcelonës është një nga lojtarët më të rëndësishëm të Spanjës në këtë Kupë Bote dhe synon të udhëheqë “La Roja-n” drejt fitimit të titullit botëror, duke konfirmuar statusin e tij si një nga talentet më të mëdha të futbollit ndërkombëtar.