Pas gati 1 orë, kryeministri Edi Rama ka lënë selinë rozë, ku po zhvillohet festa për 31-vjetorin e themelimit të Partisë Socialiste.
Kreu i qeverisë nuk ka qëndruar gjatë. “Ika se jam me fëmijë të vogël unë”, mësohet të ketë thënë me batutë.
Ceremonia nisi me himnin kombëtar, ndërsa u mbaj një fjalim i shkurtër nga Sekretari i Përgjithshëm, Damian Gjiknuri.
Të pranishëm në këtë aktivitet ishin edhe figura nga radhët e Lëvizjes Socialiste për Integrim. Festa i është dërguar kryetares, Monika Kryemadhi, por mesa duket ajo e ka deleguar tek deputetja Erisa Xhixho dhe Sekretari i Përgjithshëm i LSI, Endri Braimllari.