Lavrov thotë se Krimea dhe Donbasi nuk do të kthehen kurrë në kontrollin e Kievit. Ndërsa për “Planin Italian të Paqes”, Lavrov është i ashpër në komentin e tij: “Politikanët seriozë që duan të arrijnë rezultate dhe nuk merren me vetëpromovim para elektoratit të tyre, nuk mund të propozojnë një gjë të tillë”.
Dyshues në synimet e reformimit të NATO-s është treguar Ministri i Jashtëm rus Sergei Lavrov Lavrov është shprehur se: ” përpjekjet për ta transformuar atë në “një aleancë globale në kërkim të dominimit ushtarak në mbarë botën”, janë të destinuara të dështojnë!
“Ata po planifikojnë ta transformojnë këtë ‘bashkim mbrojtës’ në një aleancë globale që kërkon dominimin ushtarak në botë. Është një rrugë e rrezikshme, ajo do të dështojë,” ka thënë Lavrov.
Ministri i Jashtëm rus në një intervistë për Russia Today sqaron qëndrimin e Moskës për luftën në Ukrainë. Lavrov në radhë të parë ia ktheu dërguesit planin italian të paqes, duke e konsideruar të paimagjinueshëm. Ai shpjegon se Krimea dhe Donbasi nuk do të kthehen kurrë në kontrollin e Kievit. Dhe më pas ai lëshon një paralajmërim të ashpër për NATO-n, armët e së cilës në Ukrainë, nëse godasin territorin rus, do të shkaktonin një përshkallëzim të sigurt.
“Politikanët seriozë që duan të arrijnë rezultate dhe nuk merren me vetëpromovim para elektoratit të tyre, nuk mund të propozojnë një gjë të tillë”, është komenti i ashpër i Lavrovit, gjatë një interviste dhënë për Russia Today, mbi propozimin e paqes në Ukrainë të formuluar nga qeveria italiane. Sipas përkthimit të intervistës së bërë nga Ansa, ministri i Jashtëm rus do të kishte theksuar se si “ajo që shfaqet në media shkakton një ndjenjë keqardhjeje”, duke iu referuar hipotezës së rikthimit të rajoneve të Krimesë dhe Donbasit nën sovranitetin e Kiev, edhe pse me një status autonom.
Sergei Lavrov paralajmëron gjithashtu se “armët që vendet perëndimore i ofrojnë Ukrainës, të afta për të goditur territorin rus, janë një hap serioz drejt një përshkallëzimi të papranueshëm”. Kreu i diplomacisë ruse në vend të kësaj shpreson se “njerëzit e shëndoshë në Perëndim e kuptojnë këtë, kanë mbetur ende pak”, thotë ai.