Urimi i munguar për ’14 shkurt’ nxiti aludimet se këngëtarja e njohur Elhaida Dani dhe balerini Ledian Agalliaj i kanë dhënë fund lidhjes së tyre, të nisur në ‘Dancing with the Stars’. Mirëpo, çifti vijon të jetë bashkë dhe të dashuruar, me një foto që tregon se ata nuk janë ndarë e se madje janë rikthyer në Tiranë pas pushimeve.
Dhe me sa duket çifti ka “zënë mend” nga urimi i munguar për Shën Valentin dhe nuk ka përsëritur sërish të njëjtin gabim. Këngëtarja Elhaida Dani feston sot ditëlindjen dhe urimi kësaj here nga Lediani erdhi në rrjetet sociale. “Gëzuar ditëlindjen”, ka shkruar ai shoqëruar me një emoji zemër, krahas një fotoje nga një festë private.
Historia e dashurisë që nisi në “Dancing With the Stars” mes Elhaida Danit dhe Ledian Agallijajt, bëri jo pak bujë në rrjet. Por, pavarësisht komenteve negative dhe kritikave që morën nga ndjekësit, Elhaida dhe Lediani vijuan romancën e tyre, gjë e cila tregohet edhe përmes fotos së mësipërme.
