Ditën e nesërme nis festivali i shumëpritur në Kosovë, “Sunny Hill”, i cili do të mbledhë artistë të njohur shqiptarë dhe të huaj. Një prej tyre, është dhe Ledri Vula i cili do të perfomojë në datën 3 gusht dhe duket se jo vetëm publiku, por edhe vetë artisti është i emocionuar për këtë eksperiencë dhe e ka shprehur këtë në mënyrën më të veçantë, duke hyrë në parlament dhe duke bërë një lajmërim për të gjithë fansat e tij. “Të dashur qytetarë, ju lus që ta kurseni zërin dhe energjinë për datën 3 gusht në ‘Sunny Hill’, se do ta djegim atmosferën”, dëgjohet të thotë Ledri, duke shkaktuar kështu të qeshura tek ndjekësit e tij.
Përveç këngëtarëve shqiptarë me famë botëtore, këtë vit do të jetë e pranishme Miley Cyrus dhe Dj shumë i njohur, Calvin Harris. Duke parë suksesin e festivalit të vitit që lamë, me siguri dhe ky vit do rezultojë i tillë.