Deputeti Lefter Maliqi ka komentuar vrasjen e 25-vjeçarit Klodian nga efektivi i “Shqiponjave”.
“Unë dyshoj, si drejtues policie dhe kam punuar në Policinë Kriminale, nga dy policët e “Shqiponjës” dhe autori i vrasjes kishin dy vjet në detyrë në polici. Duhen të paktën 5 vjet që të shkosh me forcat “Shqiponja”. Shkelja e parë.”-tha ai.
Më tej deputeti u shpreh se largimi i ministrit Lleshaj nuk është ende një fitore.
“Në dijeni e publikut, në dijeni e këtij parlamenti dhe medias unë kam bërë dy interprelanca me ministrin Lleshi brenda një viti dhe njëri jo më larg se muajin e fundit ku i kërkova dorëheqjen moralisht për shkak se nuk ishte ministër rendi. Rrinte ministër kukull dhe nuk e ka drejtuar ai Policinë e Shtetit. Ka qenë një ministër që nuk e pyeste Drejtori i Përgjithshëm. Ministrin nuk e pyeste as Sekretari i Përgjithshëm. Nuk e pyeste as kryeministri, e ka nxjerrë nga zyra. Nuk e pyeste as PS e Lezhës e kudo. Pra ai ishte një ministër kukull, qëndronte për të marrë rrogën.”-tha deputeti.