Qeveria ka miratuar listën me kalimin e të drejtës së pronësisë për objektet e legalizuara për 200 qytetarë.
Bëhet fjalë për parcela në qarqet Dibër (ZVRPP Dibër, Bulqizë, Mat), numri i parcelave ndërtimore është 63, me sipërfaqe të përgjithshme 15.278 m²; për Qarkun Lezhë (ZVRPP Lezhë, Kurbin), numri i parcelave ndërtimore është 15, me sipërfaqe të përgjithshme 4.781 m²; për Qarkun Shkodër (ZVRPP Shkodër), numri i parcelave ndërtimore është 3, me sipërfaqe të përgjithshme 614 m²; për Qarkun Tiranë (ZVRPP Tiranë), numri i parcelave ndërtimore është 61, me sipërfaqe të përgjithshme 17.639 m²; për Qarkun Durrës (ZVRPP Durrës), numri i parcelave ndërtimore është 58, me sipërfaqe të përgjithshme 21.767 m².
Ndërkaq, në VKM urdhërohen hipotekat e këtyre qarqeve që të regjistrojnë këto pasuri pesë ditë nga botimi në Fletoren Zyrtare.