Ditë e keqe dje për futbollistët e kombëtares shqiptare. Në ndeshjen mes Boluspor (ekipi ku luajnë Odise Roshi dhe Bekim Balaj) dhe Bursaspor të cilat luajnë në divizionin e dytë të futbollit turk, nuk 2 futbollistët shqiptarë janë ndëshkuar me karton të kuq nga arbitri i ndeshjes.
Takimi u mbyll me shifrat 1-1. Vendasit kaluan në avantazh në fundin e pjesës së parë me afrikanin Kasongo i cili shënoi pas një asisti të marrë nga Balaj. Sulmuesi shkodran u ndëshkua me karton të verdhë në minutën e 35-të.
Balaj mori kartonin e dytë të verdhë në minutën e 54-t, duke lënë ekipin e tij me dhjetë lojtarë. Bursaspor përfitoi nga superioriteti numerik dhe gjeti golin e barazimit katër minuta më vonë.
Dhjetë minuta më pas u zverdh edhe Odise Roshi, i cili nuk u përmbajt dhe prej protestave ndaj arbitrit mori edhe të verdhin e dytë dhe la skuadrën e tij me 9 lojtarë. Boluspor me nëntë lojtarë, por në fund ia doli të evitojë humbjen edhe pse me dy lojtarë më pak.
Kujtojmë se me Boluspor luajnë edhe Dejvi Bregu që ishte në stol dje dhe Gentian Selmani i cili është i dëmtuar.