Këshilltari i Kryeministrit të Kosovës, Avdullah Hoti, Visar Berisha ka njoftuar sot dorëheqjen. Lajmin e ka bërë vetë të ditur ai në një postim që ka bërë në rrjetet sociale sakaq nuk ka dhënë detaje të tjera për largimin e tij nga detyra.
“Zyrtarisht prej sot nuk jam më pjesë e Zyrës së Kryeministrit të Republikës së Kosovës. Arsyet janë të mijat dhe mbesin të tilla. Ndjehem mirë me përpjekjet e ndonjëherë edhe me arritjet që kam mbërri me ia bërë vendit nëpërmjet asaj zyre. Parimet, lojaliteti ndaj Republikës dhe barazia kanë qenë ato që më kanë nxitë me qenë pjesë e projektit politik për këta muaj. Të njëjtat po i marr me vete pa ndryshuar asgjë në to”, shkruan Berisha.