“Një polic libanez u vra në përleshjet me demonstruesit në Bejrutin qendror pasditen e sotme”, -tha një zëdhënës i policisë. Protestat kundër qeverisë në pushtet kanë lënë gjithashtu më shumë se 100 njerëz të plagosur dhe dhjetra të shtruar në spital. Efektivi i policisë ndërroi jetë pasi ra nga një ndërtesë aty pranë, teksa po ndiqej nga protestuesit.
Ndërkohë po trajtohen 117 persona që kanë marrë lëndime gjatë protestës. Qytetarët libanezë janë të zemëruar me qeverinë aktuale dhe e fajësojnë atë drejtpërdrejt si shkaktare të tragjedisë që i ka marrë jetën të paktën 158 personave, ndërsa qindra mijëra të tjerë kanë mbetur të pastrehë. Disa prej protestuesve po kërkojnë që të qeverisen nga shtetet e huaja, pasi e kanë humbur besimin te qeveria.