Mediat italine kanë publikuar pamjet brenda apartamentit në Campobello di Mazara ku strehohej bosi i mafias, Matteo Messina Denaro.
Në dhomën e ndenjes duket një televizor, libra të renditur në një raft, piktura në mure si Luledielli i Van Gogut dhe postera të protagonistëve të filmit “The Godfather” dhe “Jocker”.
Denaro u arrestua më 16 janar pas 30 vitesh në arrati.
Messina Denaro u gjykua dhe u dënua me burgim të përjetshëm për vrasje të shumta.
Këto përfshijnë vrasjen e prokurorëve antimafia në vitin 1992, Giovanni Falcone dhe Paolo Borsellino, sulmet me bomba vdekjeprurëse të vitit 1993 në Milano, Firence dhe Romë, dhe rrëmbimin, torturimin dhe vrasjen e djalit 11-vjeçar të një mafiozi të kthyer në dëshmitar shtetëror.