Këshilli Evropian do të diskutojë për përshpejtimin e integrimit të shteteve ballkanike. Liderët do të bëhen bashkë në samitin e liderëve që do të mbahet në Bruksel në datat 26-27 qershor.
Në letrën e Presidentit të Këshillit Evropian, Antonio Costa, drejtuar drejtuesve të 27 shteteve anëtare të BE-së, thuhet se ai do t’i informojë ata rreth vizitës së tij të fundit në rajonin tonë.
Costa tha se zgjerimi i BE-së është një proces me rëndësi gjeostrategjike. Po ashtu, anëtarësimi në BE, sipas tij, u hap dyert për zhvillim shteteve të reja dhe atyre ekzistuese.
“Bashkimi Evropian është projekti më i mirë i solidaritetit mes shteteve tona. Ne tashmë kemi një organizatë prej 450 milionë qytetarësh, një treg të përbashkët të lulëzuar, një monedhë të vetme të fortë dhe një bashkim shtetesh demokratike”.