42-vjeçarja shqiptare që përfundoi në prangat e policisë së Kretës disa ditë më parë për trafikim të lëndëve narkotike ka dalë sot para Gjykatës për tu njohur me masën e arrestit.
Siç raportojnë mediat greke, gjykata i komunikoi sot shqiptares masën arrest me burg. Para gjykatës sot doli edhe bashkëpunëtori i 42-vjeçares, shetatsi grek 52 vjeç, i cili mbeti në burg. Dyshja bashkëpunonin për trafikimin dhe shitjen e drogës.
Gjatë kontollit në banesat e dy të arrestuarve policia gjeti dhe sekuestroi ndër të tjera 10.5 kg lëndë narkotike kanabis sativa, mbi 23 mijë euro cash, një makinë dhe bllokun e klintëve që u shisnin drogën.
Gjatë kontrolleve ne banesat e 2 të arrestuarve janë gjetur dhe sekuestruar:
· 10 kilogramë e 586 gramë kanabis
· 13.5 gram kokainë
· Shuma e parave prej 23 770 euro dhe 50 paund britanike si të ardhura nga veprimtari të paligjshme
· 4 peshore
· 3 celularë
· Paketim najloni
· Pajisja mbyllëse hermetike
Gjithashtu është konfiskuar edhe një makinë, e cila përdorej për kryerjen e veprave penale. Hetimi paraprak kryhet nga Departamenti i Sigurisë së Ierapetrës.