Kolegji Zgjedhor ka lënë në fuqi vendimin e Komisionit Qendror të Zgjedhjeve që e pengon Fredi Bejlerin të kandidojë për kryetar bashkie.
Në një dalje për mediat pas përfundimit të seancës vetë Bejleri e ka quajtur një vendim politik. Pyetjes së drejt për drejtë nëse ka lidhje me masakrën e Peshkëpisë ai iu përgjigj: “Vajta sot në Prokurorinë e Krimeve të Rënda dhe do shkojë sa herë të ma kërkojë akuza që të mbyll një çështje që po më sorrollat 25 vjet dhe që nuk kam asnjë lidhje. Kam prova të padiskutueshme që nuk kam lidhje me ngjarjen e Peshkëpisë dhe çdo lloj ngjarje tjetër terroriste. Spekulim i politikës për të hedhu topin jashtë fushe. Do kemi zgjedhje në Himarë vetëm me një kandidat, i cili gjithë këto vite ka një politikë të caktuar për bashkinë tonë”.
Lexo edhe- Autori i masakrës së Peshkëpisë kandidoi për kryetar bashkie në Himarë
I pyetur nëse do të votojë në zgjedhjet e 30 qershorit ai tha: Pse do ketë zgjedhje? Unë jam për proceisn zgjedhor, por zgjedhje me 1 kandidat nuk është zgjedhje. Shpresoj që Shqipëria të mos kthehet në kohën e komunizmit”.
Moslejmi i kandidimit të tij nga ana e KQZ solli dhe reagimin e ministrisë së Jashtme greke e cila e quajti këtë vendim pa baza ligjore. Fredi Bejleri është njëri nga personat që kanë marrë pjesë masakrën e Peshkëpisë nga komando greke ‘Pirro i Parë’ në vitin 1994. Ai është thirrur dy herë në Prokurorinë e Krimeve të Rënda për të dëshmuar për masakrën që i mori jetën dy personave dhe plagosi disa të tjerë.
Lexo edhe- “Masakra e Peshkëpisë”, merret në pyetje Fredi Bejleri