Organizata Botërore e Shëndetësisë e cilëson si “maja e ajsbergut” situatën e shkaktuar dhe alarmin e krijuar nga përhapja e lisë së majmunit.
“Ne nuk e dimë nëse ajo që po shohim është vetëm maja e ajsbergut”, tha Sylvie Brian, drejtore e përgatitjes globale për sëmundjet infektive.
Vetëm javët e fundit janë identifikuar rreth 200 raste. Megjithatë, bazuar në rezultatet e para të testeve, virusi nuk duket se ka pësuar mutacion, që nga e mërkura, 219 raste ishin konfirmuar, sipas Qendrës Evropiane për Parandalimin dhe Kontrollin e Sëmundjeve (ECDC).
Sot, Ministria Spanjolle e Shëndetësisë raportoi 98 raste, Britania 90 dhe Portugalia 74. Në këtë vend të fundit, të gjitha rastet janë meshkuj, shumica nën 40 vjeç.
Në të njëjtën kohë, autoritetet argjentinase konfirmuan sot se kanë zbuluar rastin e parë të lisë në Amerikën Latine, ndërsa po hetojnë një tjetër “të dyshuar”.